تجابان ءُ تربت ءَ پاکستانی پوج ءِ سر ءَ بوتگیں اُرشانی زمّہ واری ءَ منّ ایں- بی ایل اے

 تجابان ءُ تربت ءَ پاکستانی پوج ءِ سر ءَ بوتگیں اُرشانی زمّہ واری ءَ منّ ایں- بی ایل اے

بلوچ لبریشن آرمی ءِ جارکش جیئند بلوچ ءَ رسانکدراں وتی شنگ کرتگیں درشان ءِ تہ ءَ گوشتگ کہ بی ایل اے ءِ سرمچاراں گوستگیں شپ ءَ کیچ ءِ دمگ تجابان ءُ تربت ءَ زورگیریں پوج ءِ سر ءَ دو جتائیں اُرشاں یک کارمندے کُشتگ ءُ پنچ زدگ کُتگ انت - 

جارکش ءَ گوشتگ کہ بی ایل اے ءِ سرمچاراں گوستگیں شپ ءَ ادار ھشت ءِ نزیک ءَ تجابان ءِ دمگ کرکی ءَ سی پیک دگ ءِ پھازگ ءِ ھاتر ءَ برجاھیں پوجی پانگسے ءِ سر ءَ نوکتریں سلاھاں گوں اُرش کُتگ - اُرش ءِ آسر ءَ یک کارمندے ھما دمان ءَ مرتگ ءُ سَے زدگ بوتگ انت - 

جارکش ءَ گوشتگ اُرش ءَ پد ترسوکیں بزدلیں دژمن ءَ لس مردمانی سر ءَ بازیں مارٹر گولہ ءِ آس داتگ ءُ تیرگواری کتگ - آئی ءَ گوشتگ کہ گوستگیں روچ ءَ مئے یک دگہ سوبمندیں اُرشے ءَ پد زورگیریں پوج ءَ کش ءُ گور ءِ دکان بند کُتگ ءُ تاوان داتگ انت - 

جارکش جیئند بلوچ ءَ وتی درشان ءِ تہ ءَ دیمتر ءَ گوشتگ کہ گوستگیں شپ ءَ مئے  سرمچاراں تربت بازار ءَ تالیمی چار راہ ءِ سر ءَ برجاھیں پانگِس ءِ سر ءَ ھم دزبمب اُرش ءِ کُتگ چریشی ءَ دو کارمند زدگ بوتگ انت - 

جارکش جیئند بلوچ ءَ گوشتگ بلوچ لبریشن آرمی ھردو اُرشانی زمہ واری منّیت ءُ مئے اُرش زورگیریں پوج ءِ سرجمی ءَ درآیگ ءَ تاں برجاہ مان انت -

بنشون:  ھکل میڈیا