دشمن آلہ کار نا کسفنگ و حال حوالی ٹاور ءِ بھس کننگ نا ذمہ واری ءِ ارفنہ - بی ایل اے

دشمن آلہ کار نا کسفنگ و حال حوالی ٹاور ءِ بھس کننگ نا ذمہ واری ءِ ارفنہ - بی ایل اے 

بلوچ لبریشن آرمی نا ترجمان جیئند بلوچ میڈیا آ تروکا تینا بیان ئٹ پارے کہ بی ایل اے نا سرمچار آک اِرا جتا غا کاروائی تیٹ کوزہ گیر پاکستانی لشکر نا اسہ آلہ کار ئسے کسفینو و قلات ئٹ اسہ حالی ٹاور ئسے بھس کرینو۔

جیئند بلوچ نا پاننگ اس کہ بلوچ لبریشن آرمی نا سرمچار آک 18 فروری 2023 آ کیچ ئنا علاقہ کیلکور ئٹی گشت ئنا وخت آ اِرا مشکوک ءُ بندغ بہرام و علی جان ءِ دزگیر کریسر، گڈ سر ئٹ سر و سوج نا وخت آ بہرام منا کہ او بلوچ سرمچار آتا بھیس ئٹی بلوچ آزادی پسند تنظیم آتیٹ اوڑدہ مننگ خواہاکہ۔ 

ترجمان نا رد ئٹ بہرام ولد گل محمد سکنہ آبسر تربت منا کہ او تدوکا بھلو وخت ئسے آن کوزہ گیر پاکستانی لشکر کن مخبری و کمکاری کننگ اس۔ دشمن لشکر نا پاننگ آ او بلوچ آزادی پسند تنظیم آتیٹ اوڑدہ مننگ نا کوشست کننگ اس۔ 

او پارے کہ پن کروک مخبر دا ہم منا کہ او تربت و ایب کیب ئنا علاقہ آتیٹ بلوچ سرمچار آتا مخبری کریسہ ءِ، و منَہ وخت مُست او تربت آن اِرا بے ڈوہ ءُ ورنا ءِ کوزہ گیر لشکر نا دو آن زوراکی ئٹ بیگواہ کرفنگ ئٹ ہم تُد اس۔ 

جیئند بلوچ نا پاننگ اس کہ سر و دوج نا وخت آ اونا تینا ڈوہ ءِ مننگ آن گڈ بلوچ قومی عدالت بہرام ءِ قومی غداری نا ڈوہداری ٹی سزائے موت تس، ہراڑا تدوکا دے کیچ ئنا علاقہ ڈنڈار ئٹی فائرنگ اسکواڈ عمل کریسہ سُم کاری کریسہ قومی غدار ءِ کسفے۔ اندن ایلو دزگیر مروکا بندغ نا بابت ئٹ ہم قومی عدالت زوت فیصلہ کرو۔ 

جیئند بلوچ نا ودیک پاننگ اس کہ 8 مارچ 2023 آ بلوچ لبریشن آرمی نا سرمچار آک قلات نا علاقہ نیمرغ کنڈ آ خلوک یوفون کمپنی نا ٹاور ءِ تراک کروکو مواد کھڈ کریسہ بھس کریر۔  

ترجمان پارے کہ پن کروک ٹاور کوزہ گیر لشکر نا کنڈ آن شور پارود نا ایب کیب ئٹ تینا سواد آتیکن کھڈ کروک حال حوالی ٹاور آتیان اسٹ ئس اسک۔ 

ترجمان نا پاننگ اس کہ بلوچ لبریشن آرمی پن کروک جلہو تا ذمہ واری ءِ ارفک۔ کوزہ گیر لشکر نا تیوہ پیشتمنگ اسکان ننا کاروائیک برجاء مرور۔